WAKAZI WA KATA YA LUPALILO WAPONGEZWA KWA KUTUNZA VYANZO VYA MAJI

Tarehe Iliyowekwa: March 7th, 2024

Wananchi wa Kata ya Lupalilo iliyopo wilayani Makete Mkoani Njombe, leo Machi 7,2024, wamepongezwa kwa kutunza vyanzo vya maji vilivyopo katika kata hiyo kwa kupanda miti rafiki kwenye vyanzo hivo pamoja na kutofanyafanya shughuli mbalimbali za kibinadamu kama vile kilimo na kukata miti hovyo.

Pongezi hizo zimetolewa na Afisa Mazingira wa Halmashauri ya Wilaya Makete, Bi.Upendo Mgaya, wakati wa upandaji wa miti aina ya Mizambarau kwenye chanzo cha maji cha Ng'usi kilichopo ndani ya kata hiyo, ambapo amesema kuwa, vyanzo hivyo vinafafaida kubwa kwa nchi kwakuwa vinatiririsha maji kwenye bonde na mto Rufiji na Bonde la ziwa Nyasa ambako kunamiradi mikubwa ya serikali .

Naye, Afisa Misitu wa Halmashauri ya Wilaya ya Makete Ndg. Naferi Lulesu Sanga, amewataka wananchi wa kata hiyo kuendelea kutunza vyanzo hivyo, kwa kutofanya shughuli zinazoharibu mazingira badala yake, wafuge nyuki kwenye vyanzo hivyo na kwamba ofisi ya misitu watatoa ushirikiano kwenye kikundi cha ufugaji wa nyuki ambacho kitakuwa tayari kwa uwekezaji huo.

Kwa Upande wake, Mtendji wa kata hiyo, Ndg. Sabas Kereth ameipongeza ofisi ya mazingira kwa kwakushirikiana na wananchi wa kata hiyo kwa kupanda miti katika chanzo hicho huku akisema wao kama viongoz na wananchi wataitunza miti hiyo ili iwe na tija katika vizazi vyote.

Nao, baadhi ya wananchi waliojitokeza katika shughuli hiyo ya upandaji wa miti katika chanzo hicho, wamesema kuwa, wapo tayari kuilinda miti na kuwasihi wananchi wenzao kutopeleka mifugo katika eneo hilo kwani imekuwa ikiharibu vyanzo hivyo.

hata hivyo, zaidi ya Miti 900, imepandwa katika chanzo hicho cha Ng'usi ikiwa ni mpango mkakati wa Kutunza mazingira pamoja na vyanzo vya Maji vilivyopo Wilayani Makete.