WAKINGA WOTE RUDINI MUWEKEZE KWENU, MAKETE YA SASA SIO YA ZAMANI- RC MTAKA

Tarehe Iliyowekwa: January 11th, 2024

Mkuu wa Mkoa wa Njombe, Mhe, Antony Mtaka, amewataka wakazi wa wilaya ya Makete, kuhakikisha kuwa wanalima mazao mbalimbali ya Biashara, hususani ya muda mfupi kama vile Pareto, ili waweze kukwamua kiuchumi. 

Mhe. Mtaka amesema hayo , leo Januari 11, 2024, wakati akiwa Mgeni rasmi, kwenye Mkutano na Wadau wa Zao la Pareto, ambao umefanyika wilayani Makete, wenye lengo la kujadili namna Bora ya kuwekeza na kukuza zao hilo wilayani humo.

"changanyeni mazao mbalimbali kwenye mazao yenu, hususani yale ya Biashara kwakuwa Ardhi ya Makete inaruhusu kufanya hivyo, limeni mazao ya Mboga Mboga sio Kila siku unakula viazi tu" Alisema Mhe. Mtaka.

Aidha, Mhe, Mtaka amewataka wakazi wamakete waliopo Nje ya Wilaya kuwekeza wilayani humo, kwakuwa Kuna fursa mbalimbali za kiuchumi kama vile Ngano, Pareto , Tufaa na viazi.

Sambamba na hayo, Mhe. Mtaka, amewataka wazazi wote wilayani Makete, kuhakikisha kuwa wanawalea watoto katika mazingira mazuri, ikiwa ni pamoja na kuwapa lishe bora ili kupambana na Udumavu.

Kwa Upande wake, Mkuu wa Wilaya ya Makete, Mhe. Juma Sweda, amesema kuwa Makete ina fursa mbalimbali za Kilimo, hivyo, PCT hawajafanya kosa kuwashika mkono wakulima wa zao hilo, Wilayani humo ikiwa ni pamoja na kuwekeza kwenye Kilimo hicho chenye tija Kwa wakulima.

Ikumbukwe kuwa, Halmashauri ya Wilaya ya Makete, Leo Januari 11, 2024, imefanya mkutano na Wadau wa Zao la Pareto, chini ya kampuni ya Pareto nchini, PCT, uliolenga kujadili namna bora ya Uwekezaji na ulumaji wa zao hilo Wilayani Makete.

Hata hivyo, Mhe. Antony Mtaka, akiwa wilayani humo amepokea mbegu bora za Ngano kutoka Wakala wa Mbegu nchini ASA , ikiwa ni mwendelezo wa Uwekezaji wa zao hilo wilayani Makete, ambapo kwa Mwaka huu, Rais wa Jamhuri ya Muungano wa Tanzania, Mhe. Dkt. Samia Suluhu Hassan, ametoa zaidi ya tani 500 kwa wakulima wa zao hilo