WAKUU WA IDARA NA VITENGO SHIRIKIANENI NA WANANCHI KUTATUA KERO ZAO- DC SWEDA

Tarehe Iliyowekwa: March 22nd, 2024

Mkuu wa Wilaya ya Makete Mhe. Juma Samwel Sweda amewataka wakuu wa idara na vitengo wa Halmashauri ya Wilaya ya Makete, kushirikiana na wananchi katika kutatua kero zinazo wakumba kwenye maeneo yao.

Mhe. Sweda, ameyasema hayo leo Machi 22, 2024, wakati wa mkutano wa hadhara wa kusikiliza na kutatua kero za wananchi, ambao umefanyika katika viwanja vya Ofisi ya kijiji Iwawa, kilichopo Kata ya Iwawa, Wilayani Makete, mkoani Njombe.

"Wakuu wa idara Kuna haja kubwa ya kushirikiana na wananchi wa Makete, kwasababu ndiyo wanajua changamoto nyingi ambazo zinaendelea katika jamii, pia itakuwa chachu kubwa ya maendeleo katika Wilaya hii ya Makete" Alisema Mhe. Sweda.

Aidha Mhe. Sweda amewaahidi wananchi wa Kata ya Iwawa, kuendelea kuboresha miundondombinu yote inayo izunguka Wilaya ya Makete sambamaba na kusimamia miradi yote inayoletwa na serikali ili iwe na tija katika jamii.

Kwa Upande wake, Mganga Mkuu wa Wilaya ya Makete, Ndg. Ligoberth Kalisa amesema kuwa, huduma kwa mama mjamzito ni bure kwenye hospitali zote za serikali, huku akiwataka wananchi hao kutoa taarifa ambazo wanaona zipo tofauti na tamko la serikali.

Naye, Diwani wa kata ya Iwawa Mhe. Francis Chaula amesema kuwa, wananchi wa Kata hiyo wataendelea kuunga mkono juhudi za serikali katika kuhakikisha kuwa Wilaya ya Makete, inakuwa kiuchumi sambamba na kusimamia miradi yote katika maeneo yao.

Haya hivyo, mmoja wakazi wa kata ya Iwawa Bi. Jackline Mvanda ameishukuru serikali kwa kuleta miradi mbali mbali kama vile Elimu na Afya, ikiwa ni pamoja na kupewa na nafasi ya kuzikilizwa na kutatuliwa kero zao ambazo zimekuwa kurudisha maendeleo nyuma.

ReplyForward Add reaction