WANANCHI WILAYANI MAKETE WATAKIWA KULIMA MAZAO MCHANGANYIKO - DC SWEDA

Tarehe Iliyowekwa: January 30th, 2024

Wananchi wa Kata za Mlondwe na Itundu zilizopo Wilayani Makete Mkoani Njombe, Januari 30, 2024, wemeshauriwa kulima mazao aya aina mbalimbali ya chakula ili kuepukana na njaa pamoja na kujikwamua kiuchumi kotokana na wananchi wa maeneo hayo kulima kwa wingi zao moja la kibiashara.(Viazi Mviringo). 

Hayo yamesemwa na mkuu wa Wilaya ya Makete Mh.Juma Sweda, akiwa kwenye mkutano wa hadhara ambao umefanyika katika kata hizo mbili, za Mlondwe na Itundu, wakati akikagua miradi mbalimbali ya maendeleo na kugundua kuwa wananchi hao wamekuwa wakilima zao moja tu la biashara na kupelekea kukosa chakula Kwa msimu wote.

Aidha Mhe. Sweda, amewataka wananchi hao kulima Ngano kwa wingi kwani tayari serikali imeshatoa mbegu bure kwa kwaajili ya wakulima ambao watakuwa tayari kulima zao hilo, ambapo Kata ya Mlondwe imeshapata tani 14 za mbegu hizo kwajili ya msimu mpya wa Kilimo.

Kwa Upande Afisa Kilimo, wa Kata ya Mlondwe Bw. William Lupenza, ameishukuru serikali kwa kutoa bure mbegu hizo, na kwamba tayari wameshaanza kufanya mikutano ya hadhara na wananchi kwaajili ya kutoa elimu kwa wakulima, ya namna bora ya kulima zao hilo muhimu la kibiashara ili waweze kulima kitaalamu. 

Nao, Baadhi ya wananchi wa Kata hizo, wamemshukuru Mkuu wa Wilaya ya Makete, Mh. Juma Sweda, kwa kuwatembelea na kusikiliza kero zao pamoja na kuzitatua, ikiwemo ubovu wa barabara kwenye maeneo hayo huku wakisema wapo tayari kwa kilimo cha Ngano na wamewaomba maafisa kilimo kuendelea kutoa elimu ya kilimo hicho ili waweze kunufaika nacho .

Ikumbukwe kuwa, Mkuu wa wiliya ya Makete Mh. Juma Sweda bado anaendelea na ziara yake ya kukagua miradi mbalimbali ya maendeleo inayotekelezwa ndani ya halimashauri ya wilaya Makete na katika ziara hizo anawasihi wananchi kushirikiana na serikali katika shughuli mbalimbali za maendeleo.