WATUMISHI WA UMMA WILAYANI MAKETE WATAKIWA KUTEKELEZA MAJUKUMU YAO WA KUFUATA SHERIA ZA NCHI

Tarehe Iliyowekwa: April 3rd, 2025

Watendaji wa kata wilayani Makete Mkoani Njombe pamoja na viongozi mbalimbali wa serikali wametakiwa kutekeleza majukumu yao kwa kuzingatia sheria ili kutenda haki kwa wananchi.

Wito huo umetolewa leo Aprili 3,2025, na Dkt Thomas Masanja, Kamishna wa Tume ya Haki za Binadamu na Utawala Bora, wakati wa mafunzo ya haki na utawala bora kwa watendaji wa Kata yaliyofanyika kwenye ukumbi wa Halmashauri ya Wilaya ya Makete.

"Kufuata sheria na kutenda haki kwa wananchi katika maeneo yenu ya kazi kunadumisha Amani, Upendo na mshikamano miongon mwa wanajamii" Alisema Dkt. Masanja.

Nao, baadhi ya watendaji hao wa Kata, wamesema kuwa mafunzo hayo yamekuwa na manufaa kwao kwani wamekumbushwa kuwajibika katika sheria na kutenda haki kwa wananchi, na kuahidi kuwa wataendelea kutekeleza majukumu yao kwa kuzingatia haki na sheria kama miongozo ya Serikali inavyowataka.

Ikumbukwe kuwa, Mafunzo hayo yamehudhuliwa na Wakili Simanyani Mwanasheria wa Mkoa wa Njombe, pamoja na Ndg. Innocent Amani Rweyemam, Afisa uchunguzi mkuu Tume ya Haki za Binadamu na Utawala bora pamoja na viongozi mbalimbali wa Halmashauri ya Wilaya ya Makete.