WAUMINI KKKT-DAYOSISI YA KUSINI MAGHARIBI WAMUOMBEA DC SWEDA APONE MAPEMA

Tarehe Iliyowekwa: May 28th, 2023

Waumini wa KKKT-DAYOSISI YA KUSINI MAGHARIBI Wamuombe Mkuu wa Wilaya ya Makete Mhe. Juma Sweda na wote waliopata ajali Mwenyezi Mungu awape wepesi wapone kwa haraka.

Leo Mei 28, 2023 Waumini hao wakiongozwa na Stephen Nguvila Askofu wa KKKT-KUSINI MAGHARIBI ambaye kwa niaba ya Wauimini amesema kufuatia ajali iliyotokea tarehe 22 Mei, 2023 kwenye barabara ya Matamba-Chimala ni Mungu pekee aliyewaalinda na maombi yao ni kuona wote waliopata ajali hiyo wanarejea katika Afya zao na kuendelea na majukumu yao ya kulitumikia Taifa.

Kwa sasa Mkuu wa Wilaya na Afisa Usalama Wilaya bado wanaendelea kupata Matibabu katika Taasisi ya Mifupa (MOI) Dar Es Salaam,  Afisa Tawala akiendelea na Matibabu Hospitali ya Rufaa Mbeya, Afisa TAKUKURU na Dereva wameruhusiwa kutoka Hospitali na wote wanaendelea vizuri