WAUMINI TUISAIDIE SERIKALI KUTIMIZA LENGO- MCH. SANGA

Tarehe Iliyowekwa: August 22nd, 2022

Katibu Mkuu wa KKKT-DKK Makete Mch. Ezekiele Sanga amewasihi waumini kesho tarehe 23/08/2022 kupumzika nyumbani ili kuweza kufanikisha utoaji wa taarifa kwa makarani wa Sensa.

Akizungumza kwa niaba ya Baba Askofu wa Dayosisi hiyo wakati wa kumkaribisha mchungaji Tafuteni katika usharika wa Makao makuu ya Dayosisi hiyo akitokea Ludewa, Katibu Mkuu amesema waumini wote au wakuu wa kaya ni muhimu kutambua umuhimu wa zoezi hilo kwa kuandaa taarifa za wanakaya zilizosahihi ili kusaidia Serikali kufikia lengo lake

“Serikali inapanga mambo kulingana na idadi ya watu kama ambavyo katika familia  yako yenye idadi ya watu watatu unaandaa chakula kulingana na idadi ndivyo ilivyo kwa Serikali…hivyo usipohesabiwa unawapunja wengine waliohesabiwa”

Kwa upande wake Mkurugenzi Mtendaji Halmashauri ya Wilaya ya Makete Bw. William M. Makufwe akiwa kwenye ibadah apo jana jumapili 21/08/2022 amesema Serikali inafanya kazi ya kuwahudumia wananchi ambao ni kutoka din izote wanaolelewa kwa maadili ya kumpendeza Mungu, hivyo Serikali itaendelea kutoa ushirikiano kwa viongozi wa dini ili kuwa na Wilaya yenye mshikamano kila upande na Taifa lenye watu wenye maadili mema.

 BONYEZA HAPA KUTAZAMA VIDEO