WAZIRI KAIRUKI AZINDUA MAONESHO YA UTALII KARIBU KUSINI MKOANI IRINGA

Tarehe Iliyowekwa: September 23rd, 2023

Waziri wa Mali Asili na Utalii Mhe.Angella Kairuki Leo Septemba,23 ,2023 amezindua Maonesho ya Utalii karibu Kusini yanayofanyika katika viwanja vya Vya Kihesa- Kilolo Mkoani Iringa.

Akizungumza katika uzinduzi huo Mhe. Kairuki, amesema kuwa ni jukumu la Kila mmoja kuunga mkono jitihada za Mhe.DKt. Samia Suluhu Hassan Ili Kuendelea kulinda sekta ya maliasili na kufika Lengo Kwa mikakati iliyokusudiwa.

"Sekta ya Utalii ni chanzo kikubwa Cha ongezeko la mapato nchini Tanzania hivyo Kuendeleza na kulinda ni Moja ya Lengo ya kutimiza mikakati ya utalii karibu kusini". Alisema Mhe.Kairuki

Aidha, Waziri Kairuki, ameongeza Kwa kusema kuwa miundombinu ya Barabara itaboreshwa ili Kuendelea na kukuza utalii Kusini, ambapo tayari serikali imeshatenga bajeti ya ujenzi wa barabara ya kutoka Iringa mjini hadi hifadhi ya taifa ya Ruaha.

Kwa upande wake Mkuu wa Mkoa wa Iringa Mhe. Halima Dendego ametoa rai Kwa wananchi kushiriki kikamilifu katika Maonesho hayo  Ili kuweza kutangaza fursa na kujifunza mambo mbalimbali.

Maonesho hayo ya Utalii Karibu Yamekuwa na  kaulimbiu isemayo "Utalii Karibu Kusini Muelekeo Mpya wa Uwekezaji".

Imeandaliwa na

Ombeni Mgongolwa,

Kaimu Mkuu wa Kitengo cha Mawasiliano Serikalini.

Halmashauri ya Wilaya ya Makete.