ZAIDI YA MILIONI 300 KUPIMA ARDHI NA KUTOA HATI ZA HAKIMILIKI KWA WANANCHI MAKETE

Tarehe Iliyowekwa: June 30th, 2023

Katibu Mkuu wa Wizara ya Ardhi Antony Sanga amesema  kupitia Mpango wa matumizi ya Ardhi Mheshimiwa Rais Dkt. Samia Suluhu Hassani ametoa Milioni Miatatu Sabini na nane kwa ajili ya kukamilisha zoezi la urasimishaji Ardhi na uaandaaji wa Hati za Hakimiliki kwa Wananchi kutoka Vijiji 44 Wilayani Makete

Akizungumza mapema leo Juni 30, 2023 kwenye Kikao cha maandalizi ya msimu wa Kilimo cha Ngano Wilaya ya Makete 2023/2023 kilichohudhuriwa na Mkuu wa Mkoa wa Njombe Mhe.  Antony Mtaka,  Katibu Tawala Mkoa wa Njombe Bi. Judica Omari, Mheshimiwa Mbunge Jimbo la Makete Festo Sanga  Mkuu wa Wilaya ya Ludewa Mhe. Victoria Mwanziva, Mkuu wa Wilaya ya Wangi’ombe Mhe. Claudia Kitta, Wenyeviti wa Halmashauri za Mkoa wa Njombe,  Wakurugenzi wa Halmashauri, Viongozi wa Taasisi mbalimbali wakiwemo TARI, ADA, MCODE, TFRA, NMB, CRDB, Watumishi wa Halmashauri. ya Wilaya ya Makete pamoja na Wakulima wa Ngano

Katibu Mkuu Sanga amesema kupitia mpango huo kwa kipindi cha wiki moja na nusu zaidi ya migogoro ya ardhi 16 imetatuliwa na anaamini migogoro ya wakulima na wafugaji pamoja na Hifadhi haitokuepo Wilayani Makete.

Amesema  zaidi ya vijiji 44 vya wilaya ya makete vinapimwa kwa ajili ya mpango wa matumizi Bora ya ardhi na kuwapatia hati za Hakimiliki za kimila.

Alisema mpaka kufikia tarehe 17 Julai 2023 Hati za Hakimiliki hizo zitakua tayari zimekamilika ambapo zitakwenda kuwasaidia wakulima kupata mikopo kwenye Taasisi za kifedha ili waweze kujikita kwenye kilimo chenye tija kwenye mazao ya Ngano, viazi na Biashara