ZAIDI YA MITI 2000, YAPANDWA WILAYANI MAKETE, IKIWA NI UZINDUZI WA KAMPENI YA UPANDAJI MITI KIWILAYA.

Tarehe Iliyowekwa: January 22nd, 2024

Zaidi ya Miti elfu 2000, imepandwa leo Januari 22, 2024, Wilayani Makete, mkoani Njombe, ikiwa ni uzinduzi wa kampeni ya Upandaji wa miti kiwilaya, katika shule ya msingi Ikonda iliyopo wilayani humo, ikiwa ni njia mojawapo ya kupambana na uharibifu wa mazingira, pamoja na utunzaji wa vyanzo vya maji.

Akiongoza zoezi hilo, kwa niaba ya Mkuu wa Wilaya ya Makete, Mhe. Juma Sweda, Katibu Tarafa wa Lupalilo, Ndg. Augustine Ngajilo, amesema kuwa, shughuli ya kupanda miti na kuituza jukumu la wote, kwakuwa ni muhimili muhimili wa vyanzo vya maji pamoja na hali ya hewa nzuri.

Aidha, Ndg. Ngajilo, amewataka wakazi wa Makete, kupanda miti kwa wingi ili kuzuia majanga ya mvua ambayo yamekuwa yakiendelea kutokana na mvua hizo kuambatana na upepo mkali, ambao umekuwa ukipelekea kuezuliwa kwa mapaa ya nyumba za wananchi.

Kwa Upande wake, Ndg. Moses Ndiu, kutoka Wakala wa huduma za misitu Tanzania TFS, amewataka wananchi kuitunza miti hiyo kwa kuihudumia vizuri ili iwe na tija kwa siku za baadae, kutokana na uhitaji mkubwa wa mazao ya miti hapa nchini.

Naye, Diwani wa kata ya Tandala Mhe. Daniel Hatanaka kuwa ni jukumu lao kama Kata, kuitunza miti yote iliyopandwa na kila mwananchi, ambapo kila mwanachi kuwajibika, sambamba na kuwapa watoto elimu ya umuhimu wa kutunza miti ili iweze kuwa na tija kwa miaka ijayo.

Halmashauri ya Wilaya ya Makete imekua ikitoa elimu ya umuhimu wa kupanda miti ili kutunza mazingira, licha ya kuwepo kwa changamoto ya uchomaji moto hovyo, ambapo hadi sasa zaidi ya hekari za miti elfu 3000 kwa mwaka 2023 zimechomwa moto, na kupelekea kuteteresha uchumi kwa baadhi ya wawekezaji wa mazao ya miti.

Imeandaliwa na: 

Kitengo cha Mawasiliano Serikalini.

Halmashauri ya Wilaya ya Makete