ZAIDI YA MITI 500 YAPANDWA MAKETE KUHIFADHI VYANZO VYA MAJI

Tarehe Iliyowekwa: March 23rd, 2023

Wananchi Wilayani Makete wameaswa kulinda vyanzo vya maji naa kuacha ukataji miti hovyo kwa lengo la kuwa na maji ya kutosha wakati wote.

Beaty Sileke Afisa Maendeleo Ruwasa Makete ameyasema hayo akizungumza na wananchi wa Kijiji cha Lupalilo na Mago wakiwa kwenye kilele cha maadhimisho ya wiki ya Maji Duniani yaliyofanyika Kijiji cha Mago kwa zoezi la upandaji miti rafiki kwa majia na kusafisha vyanzo vya maji

Wakati huo huo Sileke amewataka wananchi wa Chombo cha watumia maji Lupalilo kuhalikisha wanalipa bili za maji ambazo ni shilingi elfu 1 kwa mwezi.

Majuto Komba Fundi Sanifu kutoka Ruwasa amesema elimu ya utunzaji wa vyanzo vya maji ni endelevu 

Afisa Misitu Wilaya ya Makete Bw. George Africanus amewataka wananchi hao kuitunza miti iliyopandwa leo na kuwasihi waendelee kupanda miti rafiki kwa maji ili kuwa na maji ya kutosha Makete 

Salome sanga na Lonesi Tweve wakazi wa Lupalilo wameishukuru Serikali kwa kuadhimisha wiki ya maji Kata ya Lupalilo na kuahidi kutunza vyanzo vya maji

Miti zaidi ya 500 imepandwa leo Machi 22, 2023 kwenye chanzo cha Maji Mago kinachotoa huduma ya maji kwa wananchi wa kijiji cha Lupalilo na baadhi ya maeneo ya Mago.