ZOEZI LA UHIMILISHAJI NG'OMBE LIMEANZA MAKETE

Tarehe Iliyowekwa: March 24th, 2023

Zoezi la uhimilishaji Ng'ombe (kupandisha mbegu za Ng'ombe kwa njia ya Chupa) limeanza kufanyika Wilayani Makete Mkoani Njombe hatua za awali kwa kufanya utambuzi hii leo Machi 24 na inatarajiwa kufanyika kwa muda wa siku 10 katika Kata zote 23 za Wilaya ya Makete.

Mtaalamu wa Mifugo kutoka Wizara ya Mifugo na Uvuvi Bw. Edson Kilyenyi kwa kushirikiana na wataamu mbalimbali ngazi ya Wilaya na Kata wameanza zoezi hilo leo Kijiji cha Ivilikinge, Luvulunge,  Isapulano na Ujuni.

Kilyenyi amesema zoezi hili litawasaidia wafugaji kupata mifugo mizuri na kuongeza tija katika Ufugaji ili kuzalisha Ng'ombe wazuri na maziwa kwa wingi.

Wananchi wa Kijiji cha Ivilikinge Ambele Sanga na Cosmas Luvanda wameishukuru Serikali kwa kuona umuhimu wa kuwasaidia kuboresha Mifugo yao kwani itawasaidia kuongeza kipato tofauti na ufugaji wa kienyeji wanaoufanya sasa.

Zoezi lililoanza leo ni upimaji au utambuzi, awamu ya pili itakuwa ni zoezi kuchoma homoni za joto na zoezi la tatu ni la uhimilishaji.

Ikumbukumbwe zoezi hili ni bure kwa mfugaji yeyote.